रायपुर। नाइट ब्लॉक के दउरान अंधियार म करत रिहिस रेलवे के एक अधिकारी अउ एक कर्मचारी ह ट्रेन के चपेट म आ गे। ये हादसा म अधिकारी के मौका म ही मउत हो गे, उंहे मशीन स्टॉफ के कर्मचारी ह गंभीर रूप ले घायल हो गे।
जानकारी के मुताबिक भाटापारा के हथबंध म नाइट ब्लॉक के दउरान रेलवे के वरिष्ठ एसएसई सिग्नल एके चांद अउ मशीन स्टॉफ चन्द्रप्रकाश बिना लाइट के अंधियार म काम करत रिहिस। इही दउरान दूनों झन बरौनी एक्सप्रेस के चपेट म आ गे, जेखर से एके चांद के मौका म ही मउत हो गे अउ चन्द्रप्रकाश के कमर अउ दूनों गोड म चोट लगे ले वो ह गंभीर रूप ले घायल हो गे।
घायल ल राजधानी के अस्पताल म भरती कराए गे हे। जानकारी मिले के बाद रेलवे के अधिकारी, कर्मचारी अउ यूनियन के पदाधिकारी मन ह रेलवे के हॉस्पिटल म डीआरएम के आघू म जोरदार हंगामा घलोक करिस हे।
Other Articles
Next
