Train: दिवाली अऊ छठ पूजा म भीड़ ल देखत हुए रेलवे ह चलाही 13 स्पेशल ट्रेन, पढो पूरा खबर

जय जोहार…. (Train) दिवाली अऊ छठ पूजा म यात्री मन के भीड़ ल देखत हुये भारतीय रेलवे के तरफ ले 13 स्पेशल ट्रेन ल चलाय के ऐलान करे गे हे। जेन अलग-अलग राज्य ले हो के बिहार जाही।

दक्षिण पूर्व रेलवे ह बताइस कि ए महत्वपूर्ण त्योहार के दौरान इस्लामपुर, पूर्णिया कोर्ट, दानापुर अऊ पटना समेत कई जगह बर ट्रेन (Train) सुरू करे जावत हे। एमा ले कुछु ट्रेन छत्तीसगढ़ ले हो के गुजरही।

दक्षिण पूर्व मध्य रेलवे ह एक विज्ञप्ति जारी कर कहिन कि दिवाली अऊ छठ के दौरीन ट्रेन म यात्री मन के भीड़ जादा न हो, एखर सती पूरा तरह ले आरक्षित फेस्टिवल स्पेशल ट्रेन ल चलाय के फइसला ले गे हे। (Train) ये ट्रेन ह हटिया ले इस्लामपुर, हटिया ले पूर्णिया कोर्ट, टाटानगर ले दानापुर अऊ रांची ले पटना के बीच चलही।