Train: त्योहारी सीजन म रेलवे ह चलाही 392 नवा स्पेशल ट्रेन, पढो पूरा खबर

जय जोहार…. देश म त्योहारी सीजन ह दस्तक देवइया हे। अइसे म रेलवे ह यात्री मन ल बड़का राहत देवत हुये अतिरिक्त ट्रेन (Train) ल चलाए के निर्णय ले हे। ये ट्रेन ह एक सीमित समय बर चलाय जाही।

एमा रोजाना, सप्ताह म चार बार अऊ सप्ताह म एक बार चलइया ट्रेन शामिल होही। भारतय रेलवे ह दशहरा, दीपावली अऊ छठ त्योहार ल देखत हुये 196 जोड़ी नवा स्पेशल ट्रेन (Train) चलाय के ऐलान करे हे। ए ट्रेन ल फेस्टिवल स्पेशल ट्रेन नाम दे गे हे। त्योहार के शुरुआत के संग ट्रेन म बढ़ईया भीड़ ल नियंत्रित करे बर रेलवे ह ये कदम उठाये हे। रेलवे ह सबो जोन म फेस्टिवल स्पेशल ट्रेन चलाय के मंजूरी दे हे।

ए फेस्टिवल स्पेशल ट्रेन (Train) के किराया ल ले के रेलवे ह कहिन कि एखर किराया वही होही, जेन रेलवे के तरफ ले चलाय जावत स्पेशल ट्रेन के हे। रेलवे ए ट्रेन ल सीमित समय बर चलाही। ए ट्रेन ल 20 अक्टूबर ले ले के 30 नवंबर के बीच चलाय जाही।