पद्मिनी मरावी /कोरिया । चिरमिरी के खड़गवां म मुख्यमंत्री डॉ. रमन सिंह के सभा के पहिलि जमके बारिश शुरू होगे। थोड़कन देर बर अफरा-तफरी मच गे। येखर बावजूद हजारों के संख्या म पहुंचे लोगन मन सीएम रमन के सभा म भीगत हुए खड़े रहिन हे।
बता दन कि इहां लाल बहादुर शास्त्री स्टेडियम म आमसभा रखे गे रहिस हे,जेला सीएम डॉ. रमन सिंह संबोधित करिस हे। सीएम डॉ. रमन सिंह ह विकास यात्रा म चिरमिरी अउ खड़गवां म 271.74 करोड़ के निरमान कारज मन के शिलान्यास अउ 315.07 करोड़ के निरमान के लोकारपन करिन । येखर पहिल उमन ह कोरबा के करतला म सभा ल संबोधित करिन हे।
