रायपुर रेलवे स्टेशन म लहरात हे 100 फीट ऊंचा तिरंगा

रायपुर : राजधानी रायपुर के रेलवे स्टेशन के गेट नंबर 2 के  आघू सोमवार के 100 फीट ऊंचा तिरंगा के ध्वजारोहन रिमोट कंट्रोल के माध्यम ले रायपुर सांसद रमेश बैस ह करिन.

ए मउका म विधायक कुलदीप जुनेजा सहित रेलवे के डीआरएम अउ रेलवे के अन्य अधिकारी कर्मचारी मउजूद रहिन. सांसद रमेश बैस ह कहिन , ए तिरंगा झंडा आम लोगन म राष्ट्रीयता के भावना अउ देश के आन, बान अउ शान  बर  जाने जाही.

सांसद रमेश बैस ह पुलवामा म होए आतंकी हमला म 40 जवान मन के शहादत म कहिन के, कभु ए तरह के कोनो घटना होवत तो देश के जवान ए तिरंगा झंडा ल झुकन नइ दिही. भले ही जवान अपन शहादत दें दिही. लेकिन देश बर मर मिट जाही अउ ए झंडा ल कभु झुकन नइ दिही.ए आतंकी हमला म शहीद होए जवान मन के बारे म उमन कहिन,  एखर बर गृहमंत्री अउ प्रधानमंत्री ह मिलके एमा रननीति बनाही।