chhattisgarh : राजिम माघी पुन्नी मेला आज ले होगे प्रारंभ, श्रद्धालु मन ह त्रिवेणी संगम म लगाइन हे डुबकी

जय जोहार। छत्तीसगढ़ (chhattisgarh ) के प्रयाग राज के रूप म प्रसिद्ध राजिम म माघी पुन्नी मेला आज ले प्रारंभ होगे हे। श्रद्धालु मन के बिहनिया ले देवालय दर्सन अउ घाट म स्नान के सिलसिला सुरु होगे हे। मान्यता के अनुसार माघ पुन्नी के अवसर म पुन्नी स्नान के बिसेस महत्व है, एखर सेती सोढुर, पैरी अउ महानदी के त्रिवेणी संगम म स्नान करे ल बड़का संख्या म श्रद्धालु मन पहुंचत हे ।

राजिम के मेला स्थल म (chhattisgarh ) राज्य शासन डहार ले बिसेस इंतजाम करे गेहे । संगम स्थल म बनाय एनीकट म पानी के व्यवस्था सहित संत निवास, आवागमन के सुविधा, पूरा मेला क्षेत्र के साफ सफाई, सांस्कृतिक कारीकरम के व्यवस्था ल करे गेहे । 14 दिन तक चलइया ए मेला म प्रतिदिन संत डहार ले आशीष वचन घलो दे जाही। पूरा मेला स्थल म कानून व्यवस्था बर पुलिस जवान ल तैनात करे गेहे ।

श्रद्धालु मन के सुविधा बर बिसेस बस के संचालन घलो करे जात हे । मेला स्थल म व्यवस्थित रूप ले दुकान बर स्थल ल आबंटित गेहे । मेला स्थल म पेयजल, शौचालय अउ पार्किंग के घलो व्यवस्था करे गेहे । (chhattisgarh ) मुख्य मंदिर के पास भव्य अउ आकर्षक मंच बनाय गेहे , जिहां स्थानीय लोक कलाकार डहार ले सांस्कृतिक कारीकरम प्रस्तुत करे जाही ।