chhattisgarh म राजीव गांधी ग्रामीण कृषि मजदूर न्याय योजना के जल्दीच होही सुभारंभ, भूमिहीन परिवार ल हरेक बच्छर मिलही 6 हजार रुपिया

जय जोहार…. (chhattisgarh ) मुख्यमंत्री भूपेश बघेल ह राजीव गांधी ग्रामीण कृषि मजदूर न्याय योजना के सुभारंभ अवसर म सांसद अउ कांग्रेस पार्टी के अध्यक्ष श्रीमती सोनिया गांधी, सांसद राहुल गांधी, श्रीमती प्रियंका गांधी वाड्रा अउ आन वरिष्ठ नेता ल बतौर अतिथि छत्तीसगढ़ आय के आमंत्रण देहे ।

उल्लेखनीय हे कि छत्तीसगढ़ राज्य म राजीव गांधी ग्रामीण कृषि मजदूर न्याय योजना के के सुभारंभ ह जल्दीच होवइया हे। (chhattisgarh ) ए योजना के तहत ग्रामीण भूमिहीन परिवार ल मुख्यमंत्री भूपेश बघेल ह हरेक बच्छर 6000 रुपिया आर्थिक सहायता दे के ऐलान करे हे । सुभारंभ के दिन पहला किस्त सीधा भूमिहीन परिवार के बैंक खाता म ट्रांसफर करे जाही। ए योजना के तहत भूमिहीन ,मनरेगा मजदूर समेत नाई, धोबी, लोहार ,पुजारी घलो लाभान्वित होही ।

भूमिहीन परिवार ल लाभान्वित करे के छत्तीसगढ़ ( (chhattisgarh )) सरकार के ये अभिनव योजना है। अइसनहे योजना देस के आन राज्य म नई हे । छत्तीसगढ़ सरकार ह ए योजना बर बच्छर 2021 -22 के बजट म 200 करोड़ रुपिया के प्रावधान करे हे ।