Rajiv Gandhi Kisan Nyay Yojana: 21 मई के 1700 करोड़ रुपिया किसान मन के खाता म करे जाही ट्रांसफर, सबो जिला मुख्यालयों म होही कारीकरम
जय जोहार। मुख्यमंत्री भूपेश बघेल के निर्देस के अनुसार राजीव गांधी किसान न्याय योजना (Rajiv Gandhi Kisan Nyay Yojana) के तहत किसान मन के खाता म रासि अंतरण बर ए बछर 21 मई के सबो जिला मुख्यालयों म कारीकरम आयोजित करे जाही। राज्य सासन डहार ले जिला मुख्यालयों म होवइया कारीकरम बर मुख्य अतिथि अधिकृत करे गेहे छत्तीसगढ़ सरकार के मंत्री, विधायक, निगम-मंडल अउ आयोग के अध्यक्ष ह जिला स्तरीय कारीकरम के मुख्य अतिथि होेही । जिला के सबो विधायक अउ जनप्रतिनिधि ए कारीकरम म सामिल होही । जिला स्तरीय कारीकरम म खरीफ विपणन बछर 2021-22 के पहला किस्त के रूप म करीबन 1700 करोड़ रुपिया किसान मन के खाता म अंतरित करे जाही ।
पूर्व प्रधानमंत्री स्वर्गीय राजीव गांधी के पुण्यतिथि म जिला मुख्यालय म होवइया कारीकरम बर सामान्य प्रसासन विभाग डहार ले मुख्य अतिथिय ल अधिकृत करे गेहे । जेखर अनुसार सरगुजा जिला म होवइया कारीकरम म पंचायत अउ ग्रामीण विेकास मंत्री टी.एस. सिंहदेव, बेमेतरा के जिला स्तरीय कारीकरम म कृषि मंत्री रविन्द्र चौबे, दुर्ग के कारीकरम म गृह मंत्री ताम्रध्वज साहू अउ लोक स्वास्थ्य यांत्रिकी मंत्री गुरू रूद्र कुमार, कबीरधाम के कारीकरम म वन मंत्री मोहम्मद अकबर, राजनांदगांव के कारीकरम म खाद्य मंत्री अमरजीत भगत, रायपुर के कारीकरम म नगरीय प्रसासन अउ विकास मंत्री डॉ. शिव कुमार डहरिया, कोरबा के कारीकरम म राजस्व मंत्री जयसिंह अग्रवाल, बालोद के कारीकरम म महिला अउ बाल विकास मंत्री अनिला भेंड़िया, रायगढ़ के कारीकरम म उच्च शिक्षा मंत्री उमेश पटेल, सूरजपुर के कारीकरम म स्कूल शिक्षा मंत्री प्रेमसाय सिंह टेकाम अउ बस्तर के कारीकरम म उद्योग मंत्री कवासी लखमा मुख्य अतिथि होही ।
अइसने कोण्डागांव म होवइया जिला स्तरीय कारीकरम म विधायक मोहन मरकाम, गरियाबंद जिले के कारीकरम म विधायक अमितेश शुक्ल, नारायणपुर के कारीकरम म छत्तीसगढ़ हस्तशिल्प विकास बोर्ड के अध्यक्ष चंदन कश्यप, धमतरी म कारीकरम म छत्तीसगढ़ खनिज विकास निगम के अध्यक्ष गिरीश देवांगन, बलौदाबाजार के कारीकरम म छत्तीसगढ़ राज्य नागरिक आपूर्ति निगम के अध्यक्ष राम गोपाल अग्रवाल, महासमुंद म कारीकरम म छत्तीसगढ़ गौ सेवा आयोग के अध्यक्ष महंत डॉ. राम सुंदर दास, बिलासपुर म कारीकरम म राज्य सहकारी बैंक (अपेक्स बैंक) के अध्यक्ष बैजनाथ चंद्राकर, मुंगेली म कारीकरम म छत्तीसगढ़ पाठ्यपुस्तक निगम के अध्यक्ष शैलेष नितिन त्रिवेदी मुख्य अतिथि होही ।
