chhattisgarh : राजीव गांधी के जयंती म प्रदेस के 11 हजार खिलाड़ी मन ल दे जाही राजीव खेल प्रतिभा सम्मान- प्रवीण जैन
जय जोहार…. (chhattisgarh ) पूर्व प्रधानमंत्री स्व. राजीव गांधी के जयंती प्रदेस भर म 20 अगस्त के मनाए जाहि। ए अवसर म छत्तीसगढ़ प्रदेस कांग्रेस कमेटी खेलकूद प्रकोष्ठ डहार ले प्रदेस के सबो जिला म खेल अउ खिलाड़ी मन ल को प्रोत्साहित करे ल खेल जगत के सम्मान समारोह ल सरलग चौथईया बछर आयोजित करे जावत हे। ये समारोह ह राष्ट्रीय खेल दिवस 29 अगस्त तक सबो जिला म आयोजित होवत रही।
छत्तीसगढ़ (chhattisgarh ) खेल कांग्रेस के अध्यक्ष प्रवीण जैन ह बताइन कि ए घांव आयोजन राजीव जयंती 20 अगस्त के सूरजपुर अउ जांजगीर-चाम्पा जिला ले सुरु होके 29 अगस्त के बस्तर म समापन करे जाहि। राजधानी रईपुर म रईपुर सहर अध्यक्ष अमित दीवान अउ रईपुर ग्रामीण अध्यक्ष मोहम्मद इमरान के नेतृत्व म 27 अगस्त के राजीव भवन म समारोह आयोजित करे जाहि।
वो हा बताइन कि ए (chhattisgarh ) सम्मान समारोह म 11 हजार ले जादा खिलाड़ी मन ल सम्मान करे के लक्ष्य निर्धारित करे गेहे, जेखर बर जिला म जिला प्रभारी मन डहार ले आवेदन मंगवाए जात हे। वो हा आयोजन ल सफल बनाय बर प्रदेस के पांच संभाग म प्रभारी नियुक्त करे हे, जेन अपने संभाग के सबो जिला म समारोह के जायजा लेके कारीकरम के अध्यक्षता करही।
