Rajnandgaon: नगर निगम नेता प्रतिपक्ष शोभा सोनी के हो गे निधन, रायपुर एम्स म चलत रहिस इलाज

जय जोहार…. राजनांदगांव (Rajnandgaon) नगर निगम म नेता प्रतिपक्ष शोभा सोनी के आज निधन हो गे। कोरोना संक्रमित पाय जाय के बाद ओखर रायपुर एम्स म इलाज चलत रहिस।

बतावत जात हे कि (Rajnandgaon) करीब 14 दिन पहिले शोभा सोनी ह कोरोना पाजिटिव पाय गे रहिस। सर्दी अऊ बुखार आय पर वो हा स्वास्थ्य विभाग ल सूचना दे रहिस, जेखर बाद ओखर एंटीजेन टेस्ट कराय गे रिहिस, जेमा रिपोर्ट ह पाजिटिव आय रहिस।

एखर बाद वो हा स्वयं सोशल मीडिया म एला साझा करत हुये संपर्क म आय लोगन मन ल जांच कराय के बात कहे रहिस।

(Rajnandgaon) बता दन कि शोभा सोनी ल संक्रमित होय के बाद ओला सोमनी के कोविड केयर सेंटर म भर्ती कराय गे रहिस। 26 अगस्त के ओला रायपुर एम्स शिफ्ट करे गे रहिस। जिहां आज इलाज के दौरान ओखर निधन हो गे।