5 हजार ले जादा सांप के जान बचाइस हे रामकृष्ण ह

गरियाबंद। जिला के कुम्हडईखुर्द के एक मनखे हे, जोन ह न खाली सांप ले दोस्ती करथे, बल्कि उमन ल पकड़े के बाद सुरक्षित जंगल म ले जाके छोड़ देथे। रामकृष्ण बघेल पाछु 15 बछर ले अइसे ही करत आत हे, अऊ अब तक ओहा 5 हजार ले जादा सांप ल पकडके जंगल म छोड चुके हे। इलाका म कहु भी सांप दिखथे, त लोगन रामकृष्ण के सुरता करथे। रामकृष्ण घलो बिना कुछु फीस के मउका म पहुंच जाथे, अऊ सांप ल पकडके जंगल म छोड देथे। रामकृष्ण ह बताइस कि अब तक ओहा कई तरह के जहरीला सांप ल पकड़ चुके हे, अऊ ऐकर पाछु ओकर उद्देस्य येमन के जान बचाना हे।