नरवा गरवा घुरवा बारी म फंस के रहिगे भूपेश सरकार , पूर्व मुख्यमंत्री ह मुंगेली म बोलिस

जय जोहार मुंगेली… मुंगेली नगर पालिका अध्यक्ष अऊ उपाध्यक्ष के शपथ ग्रहण समारोह म जनसभा ल सम्बोधित करत हुए पूर्व मुख्यमंत्री रमन सिंह ह किहिस कि राज्य के भूपेश सरकार ह बस नरवा गरुआ घुरवा अऊ बाड़ी म फंस के रहिगे हे चारो तरफ जो विकास के काम चलत रिहिस सब बंद पड़े हे,

अधिकारी मन गौठान के नाम म लूट मचा के रख दे हे, रोजगार के दिशा म ये सरकार विफल नजर आत हे, ये मौक़ा म पूर्व मुख्यमंत्री ह नव पदस्थ जनप्रतिनिधि मन ल राजनीती ले परे होके काम करे के बात किहिस.