दंतेवाड़ा। जिला ले रमन सरकार के विकास यात्रा के सुरूआत होइस हे। विकास यात्रा के सुभारंभ कार्यक्रम म केंद्रीय गृहमंत्री राजनाथ सिंह शामिल होइस। विकास यात्रा के डहर ले लोगन मन ल सरकार के उपलब्धियां गिनाए जाही। विकास यात्रा के पहिलि चरण म 11 जून तक चलही।
विकास यात्रा के सुरूआत ले पहिली केंद्रीय मंत्री राजनाथ सिंह अउ मुख्यमंत्री डॉ.रमन सिंह ह दंतेश्वरी मंदिर म दर्सन कर के पूजा पाठ करिन। दंतेश्वरी मां के आशीर्वाद लेके विकास यात्रा के शुरूआत करे गिस। गृहमंत्री राजनाथ सिंह अउ मुख्यमंत्री डॉ. रमन सिंह ह प्रदेश के सुख,समृद्धि अउ खुसहाली के कामना करिन। .
विकास यात्रा के शुरूआत के अवसर म दंतेवाड़ा के स्कूल मैदान म आम सभा के आयोजन करे गिस हे। आम सभा ल केंद्रीय गृहमंत्री राजनाथ सिंह अउ मुख्यमंत्री डॉ.रमन सिंह संबोधित करिन। साढ़े चार सौ करोड़ के विकास कार्य मन के मुख्यमंत्री डॉ.रमन सिंह दंतेवाड़ा ल सौगात दिसहे।
मुख्यमंत्री रमन सिंह ह कहिन कि ये विकास यात्रा नइ बल्कि मां दंतेश्वरी के प्रांगण ले शुरू होय तीर्थ यात्रा हे। सीएम रमन ह कहिन कि ‘हमन छत्तीसगढ़ के आदर्श राज्य के रूप म स्थापित करे के बीड़ा उठाय हन ।’ सीएम ह संबोधन म वीर गेंदसिंह, गुंडाधूर ल याद करिस। प्रदेश के मुखिया ह कहिन कि छत्तीसगढ़ के विकास प्रदेश के ढाई करोड़ जनता ले सफल होही। सीएम ह कहिन कि, ‘दंतेवाड़ा ले विकास यात्रा के सुरुआत होथे तो मैं येला तीर्थ यात्रा मानत हुए सफल मानथव।’
बतादन कि विकास यात्रा दू चरण म पूरी होही। विकास यात्रा के पहिली चरण 11 जून तक चलही। दूसरा चरण 16 अगस्त ले 30 सितंबर तक चलही। विकास यात्रा के डहर ले सरकार के उपलब्धी मन ल गिनाय जाही। विकास यात्रा के दउरान 29500 करोड़ के विकास कार्य के भूमिपूजन अउ लोकार्पण घलो मुख्यमंत्री करही। विकास यात्रा म 39 स्वागत सभा, 53 आम सभा अउ 16 रोड सो सामिल हे।
