रायपुर. मध्यप्रदेस के पूर्व मुख्यमंत्री शिवराज सिंह चौहान ह कांग्रेस अध्यक्ष ल दुनिया के सबले बड़का झूठा इंसान बतात हुए कहिन के, राहुल गांधी वादा करत हे. अउ तोड़ देवत हे. दुनिया म यदि कॉन्फिडेंस के संग कोनो झूठ बोलथे त वो राहुल गांधी हे.
ये बेरा म प्रदेश के भूपेश बघेल सरकार ल घलो घेरत हुए शिवराज सिंह ह कहिन के, छत्तीसगढ़ म कांग्रेस ह वचन देय रिहिस के शराबबंदी करबो. लेकिन अब पाउच म शराब बेचे जात हे. कोचिया मन एक्टिव हो गेहे. 2500 रुपिया बेरोजगारी भत्ता देय के वादा करे रिहिस हे. लेकिन नई देय जात हे. इहां नरवा, गरुवा शुरू करत हे गोबर बेचे बर . उहें सुकमा अउ कोंडागांव के दउरा के अनुभव बतात हुए उमन कहिन के, पहिली के सुकमा अउ कोंडागांव म आज जमीन-आसमान के अंतर हे. डॉ. रमन सिंह ह बस्तर समेत राज्य के दसों दिसा मन म विकास करिस हे.
लोकसभा चुनाव के मद्देनजर सुकमा, कोंडागांव म सभा ले के पहुंचे मध्यप्रदेश के पूर्व मुख्यमंत्री शिवराज सिंह चौहान ह भारतीय जनता पार्टी के प्रदेस कार्यालय एकात्म परिसर म पत्रकार मन ले चर्चा करत हुए कहिन के, मध्यप्रदेश अउ छत्तीसगढ़ के चुनाव के दउरान राहुल गांधी ह कहिन के, हम दस दिन म कर्ज माफ करबो. 150 दिन ले जियादा हो गिस. लेकिन किसान मन के कर्ज माफी नइ होइस. ये दउरान उमन राहुल गांधी के सभा के वीडियो क्लिपिंग लो मीडियालको सुनाईस.
Other Articles
सीएम बघेल के 32 मिनट के लाइव म, लोग मन ह पूछिस अहम सवाल
