जय जोहार । प्रधानमंत्री नरेन्द्र मोदी अउ भाजपा के राष्ट्रीय अध्यक्ष अमित शाह ह मुख्यमंत्री डॉ. रमन सिंह के करिश्माई नेतृत्व ले बेहद प्रभावित होइन हे। छत्तीसगढ़ के दउरा म जे तरह ले जनता ह इन दूनों नेता मन के स्वागत करिन हे। ये ह मोदी अउ शाह उपर गहरा असर डालिस हे। दूनों नेता मन अपन भासन म रमन सिंह के तारीफ करे म कोनो कमी नइ करिस हे । जे तरह ले पार्टी के दू बड़े नेता मन रमन के तारीफ करिन हे ओकर ले साफ होवत हे के, अवइया विधानसभा चुनाव रमन के नेतृत्व म लड़े जाही।
दरअसल अप्रैल म प्रधानमंत्री नरेंद्र मोदी फेर मई म गृहमंत्री राजनाथ सिंह अउ ये महीना छत्तीसगढ़ म भारतीय जनता पार्टी के राष्ट्रीय अध्यक्ष अमित शाह अउ 14 जून के एक बार फेर दउरा म आए पीएम मोदी ह मुख्यमंत्री रमन सिंह के जमके तारीफ करिन हे।
भिलाई दउरा म आए पीएम मोदी ह मुख्यमंत्री रमन के काम मन के जमके बखान करत हुए अपन मितान घलो बतता हुए कहिन कि रमन के नेतृत्व म छत्तीसगढ़ विकास के पथ म अग्रसर हे। कुछु अइसने तारीफ कुछु दिन पहिली सूबा म पधारे बीजेपी के राष्ट्रीय अध्यक्ष अमित शाह हकरे रिहिस हे । जे तरह ले पार्टी के बड़े नेता मन रमन के तारीफ करत हवय येकर ले साफ होवत हे कि, रमन सिंह के काम ले पार्टी ह खुश हे अउ अगला विधानसभा चुनाव उखर नेतृत्व म लड़े जाही अउ भाजपा सत्ता म आही त रमन सिंह बागडोर संभालही।
जानत होऊं कुछु दिन पहिली मीडिया म अइसेरिपोर्ट्स आय रिहिस हे के सीएम रमन ल दिल्ली बुलाय जा सकत हे। येती पार्टी के अंदर ले घलो कई बार आदिवासी चेहरा के मांग उठत हवय। अइसे म संगठन के बड़े नेता मन खासतौर म पीएम अउ राष्ट्रीय अध्यक्ष के तारीफ ये तरफ साफ इशारा करत हे कि, अगर 2018 के विधानसभा चुनाव म बीजेपी ल जनता के प्यार मिलत हे त रमन सिंह एक बार फेर ‘धान के कटोरे’ के बागडोर संभाल सकत है।
