रामकोठी के धन ल बुजुर्ग महिला किसान ह मुख्यमंत्री सहायता कोष म दिस दान

जय जोहार…. कोरोना के खिलाफ जंग म सरकार के मदद करे ल किसान परिवार घलो आघू आवत हे। फिंगेश्वर जनपद के ग्राम सरगोड़ के एक बुजुर्ग किसान महिला राधाबाई सिन्हा (85 वर्ष) ह 10 हजार रूपिया के मदद मुख्यमंत्री सहायता कोष म जमा करे हे। किसान महिला ह बताइस कि ए मदद पुरखों के तरफ ले तैयार करे गिस रामकोठी के धन ले करे हे।

जरूरतमंद मन के मदद बर ओखर पूर्वज ह परिवार म रामकोठी बनाय हे, जेखर ले वे अपन खरीफ खेती के आमदनी के दसवां हिस्सा निकालत हे। इही रामकोठी ले गांव अऊ परिवार म होवइया धार्मिक अऊ मांगलिक आयोजन के संगेसंग जरूरतमंद मन ल मदद म भागीदारी निभाय जात हे। कोरोना महामारी के चलत ए साल गांव अऊ परिवार म धार्मिक, मांगलिक अऊ दूसर आयोजन नई होवत हे। इसलिए रामकोठी के वे राशि, जेखर ले जरूरतमंद मन ल मदद म खर्च करे जाना रहिस, मुख्यमंत्री सहायता कोष म जमा कर दिन। ये निर्णय म बेटे खम्हन, मूलचंद, चंद्रप्रकाश, पुरानिक, भुवनेश्वर अऊ तुलेश के सहमति रहिस।