जय जोहार रायपुर…छत्तीसगढ़ म एक अइसे समाज घलो हे जेला बहुत झन जाने नई लेकिन इही मन भगवान् राम के सच्चा मानने वाला मन हे, ये बात प्रदेश के मुख्यमंत्री भूपेश बघेल ह किहिस, मुख्यमंत्री ह मालखरोदा विकासखंड के ग्राम पिकरिपार म आयोजित रामनामी बड़े भजन मेला म शिरकत करिस.
इन्हा मुख्यमंत्री ह ध्वज फहरा के मेला के शुभारम्भ करिस, समाज के लोगन मन ये अवसर म मुख्यमंत्री के मोर मुकुट पहिना के सम्मान करिस, ये मौक़ा म मुख्यमंत्री ह किहिस कि छत्तीसगढ़ के संस्कृती म राम नाम रचे बसे हे अऊ रामनामी समाज के सेवाभाव ले हमन भलीभांति परिचित हन, ओमन सेवा भाव के तहत गाँव गाँव म तालाब निर्माण करिस अऊ कई समाजहित के कार्य करवाईस.
मुख्यमंत्री ह ये अवसर म किहिस कि रामनामी समाज के योगदान ल भूले नई जा सके, मुख्यमंत्री के संग ये मौका म संस्कृती मंत्री अमरजीत भगत अऊ समाज के लोगन मन बड़े संख्या म उपस्थित रिहिन.
Other Articles
