Chhattisgarh: राज्यसभा सांसद रामविचार नेताम ह सीएम भूपेश बघेल ल लिखे हे पत्र, करिन ये आग्रह

जय जोहार…. (Chhattisgarh) राज्यसभा सांसद रामविचार नेताम ह सीएम भूपेश बघेल ल पत्र लिखे हे। ए पत्र म राज्यसभा सांसद नेताम ह पंडरी, रायपुर के छत्तीसगढ़ हाट बाजार ल तोड़ के उहां शापिंग काम्प्लेक्स बनाय संबंधी योजना म विराम लगाय बर आग्रह करे हे।

वो हा कहिन कि (Chhattisgarh) रायपुर विकास प्राधिकरण के तरफ ले हस्तशिल्प बोर्ड ल 30 साल के लीज म दे गे भूमि के लीज ल समाप्त करे के जानकारी ओ मन ल प्राप्त होय हे, जेन पूरा गलत निर्णय हे। हस्तशिल्प कार मन के तरफ ले निर्मित उत्पाद के बेचे बर बाजार उपलब्ध कराय अऊ ओ मन ल रोजगार म स्थापित कर आर्थिक रूप ले सुदृढ़ करे के उद्देश्य ले ए हाट बाजार के स्थापना करे गे हे, जेमा केंद्र सरकार के बड़ अक धनराशि लगे हे।

एला समाप्त करे के गलत निर्णय ले जिहां एक ओर प्रदेश (Chhattisgarh) के हस्तशिल्पकार ह हतोत्साहित होही, उहचे दूसर ओर ओखर उत्पाद अऊ कलाकृति के विक्रय बर बड़का बाजार नई मिले ले ओखर सामने रोजगार अऊ रोजी-रोटी के समस्या घलो उत्पन्न होही।