नक्का राव ल जमानत मिले म सरकार ले करिस सवाल भाजपा ह

कौशिक ह पूछिस, कोनो लोकसभा चुनाव के सांठगांठ बर छोड़े नइ गिस?
रायपुर. नक्सली नेता नक्का राव ल जमानत मिले म भाजपा ह सवाल उठाअस हे. नेता-प्रतिपक्ष धरमलाल कौशिक ह सरकार उपर गंभीर आरोप लगात हुए ये सवाल पूछिस के, कोनो लोकसभा चुनाव के सांठगांठ के तहत नक्का राव ल त नई छोड़े गिस हे? कौशिक ह कहिन के, कोनो लोकसभा चुनाव के मद्देनजर कोनो सांठगांठ के चलत त मूर्ति के जमानत के रास्ता ल आसान नई करे गिस ?

धरमलाल ह य घलो कहिन के, 24 दिसंबर के गेरफ्तार नक्का राव के मामला म पुलिस ह चालान पेस करे म उदासीनता के परिचय देय, जेखर चलत विशेष न्यायालय ह गेरफ्तार माओवादी ल जमानत दे दीस. नेता प्रतिपक्ष ह कहिन के, ये अत्यंत संवेदनशील मसला रहिस हे अउ पुलिस ह नक्का राव ल नक्सली बतात हुए ओखर ले नक्सली साहित्य समेत अन्य आपत्तिजनक सामग्री मन ल बरामदगी के दावा करे रिहिस हे. पुलिस प्रधानमंत्री के हत्या के षड्यंत्र म सामिल लोग न के संपर्क म रहइया माओवादी के खेलाफ निर्धारित बेरा म चालान पेस नइ कर पाइस अउ नतीजतन माओवादी मूर्ति ल जमानत मिल गिस.

ये नई कौशिक ह झारखंड म ज्यां द्रेज के गेरफ्तारी के मसला म सीएम भूपेश बघेल उपर घलो निशाना साधिस. कौशिक ह पूछिस के, ज्या द्रेज के गिरफ्तारी भूपेश बघेल ल तकलीफ कबार होवत हे. उमन नक्सलवाद के मुद्दा म कांग्रेस सरकार स्थिति स्पष्ट करे के मांग करिस हे.