गृहमंत्री के भतीजा उपर रेप के आरोप …. एफआईआर दर्ज

सूरजपुर । छत्तीसगढ़ प्रदेश के गृहमंत्री के भतीजा ह एक युवती के यौन शोषण करिस हे। जेकर सेती ओखर खिलाफ एफआईआर दर्ज करे गे हे। लेकिन ओकर गिरफ्तारी पुलिस ह नइ करे हे। येकर पहिली युवती ह गृहमंत्री के भतीजे उपर शादी के झांसा देके यौन शोषण करे के सिकायत लेके युवती थाने गे रिहिस हे, लेकिन उंखर फरियाद नइ सुने गिस, बाद म आईजी के निर्देस म ये मामल म पुलिस ह एफआईआर दर्ज कर लीस, लेकिन अब तक ले आरोपी ल गेरफ्तार नइ कर सके हें। उहे गृहमंत्री ये पूरा मामला म चुप्पी साधे हुए हे। येती पुलिस ह दबाव म एफआईआर त दर्ज कर ले हे,लेकिन पीड़ित के परिजन मन के आरोप हे के पुलिस ह उँखर उपर केस वापस लेय बर लगातार दबाव बनावत हे अउ उमन ल मानसिक रूप ले प्रताड़ित करत हवय। जेकर ले पीड़ित अउ ओकर परिजन मन दहशत म हे।