दंतेवाड़ा। दक्छिन बस्तर म पहिली बार पहुंचइया राष्ट्रपति के स्वागत बर ग्रामीण आतुर हे। उमन महामहिम के स्वागत के तइयारी म जुटे गेहे। पारंपरिक ढोल-मांदर के धुन के संग राष्ट्रपति रामनाथ कोविंद के स्वागत करही। गांव पहुंचे म उमन ल लकड़ी के पाटा म खड़ा कराके पांव धुलवाय के संग पारंपरिक आरती अउ तिलक लगाके गांव के भ्रमन कराही। ग्रामीन ह महामहिम ल गांव ले याद ल संग म ले जाय बर बस्तरिया गमछा अउ नारियल भेंट करही। इंखर तइयारी के मॉनीटरिंग आदिवासी विकास बिभाग करत हे।
राष्ट्रपति 25 जुलाई के दंतेवाड़ा प्रवास म आवत हे। वे इहां समन्वित कृषि प्रणाली के अवलोकन करे के संग विकास कारय देखही। स्वास्थ्य सुविधा मन के संग नक्सल पीड़ित लइका मन ल सैक्छनिक गतिविधि मन ले रूबरू होंही। राष्ट्रपति रामनाथ कोविंद महिला अउ किसान मन के समूह समेत लइका मन ले चरता करही। संग ही मवजूद लोगन ल घलो संबोधित करही। इंखर बर प्रसासनिक स्तर म तइयारियां चलत हे।
इहां के करही निरीक्छन
देस के आकांक्छी जिलामन म सामिल दंतेवाड़ा म राष्ट्रपति रामनाथ कोविंद ले प्रवास 25 जुलाई के प्रस्तावित हे। माईजी के धरा म पहुंच रहे राष्ट्रपति समन्वित कृषि प्रनाली के अवलोकन करही। हीरानार स्थित कड़कनाथ हब के संग करीबन 25 एकड़ म तइयार खेती, बकरी पालन केंद्र के अवलोकन करही। इंखर बर अधिकारी मन के दल हीरानार अउ घोटपाल म डेरा डाले हे। ज्ञात हो के हीरानार कड़कनाथ हब के नाम ले जाने जात हे। ये गांव समन्वित कृषि प्रनाली के मॉडल बन चुके हे।
अधिकारी मन के मानना हे के हीरानार कड़कनाथ पालन बर ही नइ किसान मन के उन तमाम गतिविधि मन बर जाना जाही, जेखर ले वे अरथिक रुप ले मजबूत होवत हे। ये मॉडल ल किसान मन के आर्थिक क्रांति के आधार माने जात हे। इंही गांव म तइयार बकरी पालन केंद्र के घलो राष्ट्रपति अवलोकन करही, जिहां सिरोही नस्ल के 45 बकरी मन के पालन करे जात हे।
हीरानार म करही बस्तरिया भोजन
राष्ट्रपति कोविंद बर हीरानार म सरस्वती शिशु मंदिर म दूपहर भोज के कारयक्रम तय हे। इंखर बर स्कूल परिसर म घलो तइयारी चलत हे। रंगरोगन के संग अन्य लइका मन के घलो प्रसिक्छन देय जात हे। बताय जात हे के इहां भोजन म बस्तरिया व्यंजन के बेवस्था घलो होही ताकि राष्ट्रपति अउ उंखर टीम बस्तर के लजीज भोजन के स्वाद अउ याद अपन संग ले जाही। फेर हीरानार म स्थित वृद्धा आश्रम पहुंच के संचालक बुधरी ताती समेत अन्य सियान मन ले चरचा करही। ये आश्रम के कायाकल्प करे जात हे। भोजन के बाद राष्ट्रपति तीर के गांव घोटपाल पहुंचही जिहां वेलनेस हॉस्पिटल के लोकारपन करही।
कोविंद ई-रिक्सा म बइठके करही अवलोकन
अधिकारी मन के मुताबिक हीरानार के समन्वित कृषि मॉडल विलेज के अवलोकन राष्ट्रपति रामनाथ कोविंद ई-रिक्शा म बइठके करही। इंखर बर ई-रिक्सा संचालन समूह मन ल घलो प्रशिक्छित करे जात हे। बताय जात हे के भ्रमन के दउरान राष्ट्रपति समेत टीम बर आधा दरजन ई-रिक्सा काफिला म सामिल होही। ज्ञात हो के बीजापुर के जांगला प्रवास म पीएम नरेंद्र मोदी ह घलो ई-रिक्सा के सवारी करे रहिन हे।

दंतेवाड़ा। दक्छिन बस्तर म पहिली बार पहुंचइया राष्ट्रपति के स्वागत बर ग्रामीण आतुर हे। उमन महामहिम के स्वागत के तइयारी म जुटे गेहे। पारंपरिक ढोल-मांदर के धुन के संग राष्ट्रपति रामनाथ कोविंद के स्वागत करही। गांव पहुंचे म उमन ल लकड़ी के पाटा म खड़ा कराके पांव धुलवाय के संग पारंपरिक आरती अउ तिलक लगाके गांव के भ्रमन कराही। ग्रामीन ह महामहिम ल गांव ले याद ल संग म ले जाय बर बस्तरिया गमछा अउ नारियल भेंट करही। इंखर तइयारी के मॉनीटरिंग आदिवासी विकास बिभाग करत हे।
राष्ट्रपति 25 जुलाई के दंतेवाड़ा प्रवास म आवत हे। वे इहां समन्वित कृषि प्रणाली के अवलोकन करे के संग विकास कारय देखही। स्वास्थ्य सुविधा मन के संग नक्सल पीड़ित लइका मन ल सैक्छनिक गतिविधि मन ले रूबरू होंही। राष्ट्रपति रामनाथ कोविंद महिला अउ किसान मन के समूह समेत लइका मन ले चरता करही। संग ही मवजूद लोगन ल घलो संबोधित करही। इंखर बर प्रसासनिक स्तर म तइयारियां चलत हे।
इहां के करही निरीक्छन
देस के आकांक्छी जिलामन म सामिल दंतेवाड़ा म राष्ट्रपति रामनाथ कोविंद ले प्रवास 25 जुलाई के प्रस्तावित हे। माईजी के धरा म पहुंच रहे राष्ट्रपति समन्वित कृषि प्रनाली के अवलोकन करही। हीरानार स्थित कड़कनाथ हब के संग करीबन 25 एकड़ म तइयार खेती, बकरी पालन केंद्र के अवलोकन करही। इंखर बर अधिकारी मन के दल हीरानार अउ घोटपाल म डेरा डाले हे। ज्ञात हो के हीरानार कड़कनाथ हब के नाम ले जाने जात हे। ये गांव समन्वित कृषि प्रनाली के मॉडल बन चुके हे।
अधिकारी मन के मानना हे के हीरानार कड़कनाथ पालन बर ही नइ किसान मन के उन तमाम गतिविधि मन बर जाना जाही, जेखर ले वे अरथिक रुप ले मजबूत होवत हे। ये मॉडल ल किसान मन के आर्थिक क्रांति के आधार माने जात हे। इंही गांव म तइयार बकरी पालन केंद्र के घलो राष्ट्रपति अवलोकन करही, जिहां सिरोही नस्ल के 45 बकरी मन के पालन करे जात हे।
हीरानार म करही बस्तरिया भोजन
राष्ट्रपति कोविंद बर हीरानार म सरस्वती शिशु मंदिर म दूपहर भोज के कारयक्रम तय हे। इंखर बर स्कूल परिसर म घलो तइयारी चलत हे। रंगरोगन के संग अन्य लइका मन के घलो प्रसिक्छन देय जात हे। बताय जात हे के इहां भोजन म बस्तरिया व्यंजन के बेवस्था घलो होही ताकि राष्ट्रपति अउ उंखर टीम बस्तर के लजीज भोजन के स्वाद अउ याद अपन संग ले जाही। फेर हीरानार म स्थित वृद्धा आश्रम पहुंच के संचालक बुधरी ताती समेत अन्य सियान मन ले चरचा करही। ये आश्रम के कायाकल्प करे जात हे। भोजन के बाद राष्ट्रपति तीर के गांव घोटपाल पहुंचही जिहां वेलनेस हॉस्पिटल के लोकारपन करही।
कोविंद ई-रिक्सा म बइठके करही अवलोकन
अधिकारी मन के मुताबिक हीरानार के समन्वित कृषि मॉडल विलेज के अवलोकन राष्ट्रपति रामनाथ कोविंद ई-रिक्शा म बइठके करही। इंखर बर ई-रिक्सा संचालन समूह मन ल घलो प्रशिक्छित करे जात हे। बताय जात हे के भ्रमन के दउरान राष्ट्रपति समेत टीम बर आधा दरजन ई-रिक्सा काफिला म सामिल होही। ज्ञात हो के बीजापुर के जांगला प्रवास म पीएम नरेंद्र मोदी ह घलो ई-रिक्सा के सवारी करे रहिन हे।