हंस झन पगली फंस जबे म पसंद करे जाथ हे रवि साहू के अभिनय

कई साल से अभिनय के क्षेत्र में संघर्ष करैया रवि साहू ल अब जाके पहचान मिलीस जब वो ह सतीश जैन के सुपर डुपर हिट फिल्म हंस झन पगली म नजर आईस। शारीरिक रूप से कोनो हीरो से कम नई दिखैया रवि साहू ह अईसे तो कई ठन फिलिम म काम करे हे, लेकिन हंस झन पगली म हीरोइन के भाई के रूप में जब रवि अभिनय करीस त दर्शक मन ओखर अभिनय ल खूब पसंद करीस ।

एखर पहिली रवि ह बाप बड़े ना भैया सबसे बड़े रुपैया म घलोक अभिनय कर चुके हे, एल्बम के दौर ले रवि ह ये क्षेत्र म सक्रिय हावे , रवि के दो-तीन फिलिम आने वाला हे , रवि हां बताइस कि सतीश जैन जी संग काम करके ओला अतना सीखे ला मिलीस कि आज तक जतना भी काम करिस अब तक वतना नई सीख पाईस। हंस झन पगली ले रवि ह आज अतना चार्ज महसूस करत हे कि अब वो कोई भी रोल कर ही त बहुत गंभीरता से करही अउ ये क्षेत्र म एक मुकाम बनाही।