Kawardha: पढना लिखना अभियान…जिला के रिसोर्स पर्सन, कुशल प्रशिक्षक मन ल दे जावत हे प्रशिक्षण

जय जोहार ( वेद साहू @ कवर्धा)। कबीरधाम (Kawardha) जिला म पढ़ना लिखना अभियान सुरु हा गे हे। ए अभियान के तहत स्वयंसेवी शिक्षक मन ल विकासखंड स्तर राज्य साक्षरता मिशन प्राधिकरण रायपुर के मार्गदर्शन म जिला के कुशल प्रशिक्षक अऊ रिसोर्स पर्सन ल 2 दिन के प्रशिक्षण दे गे हे।

प्रशिक्षित रिसोर्स पर्सन अऊ कुशल प्रशिक्षक मन के तरफ ले जिला म काम करइया स्वयंसेवी शिक्षक मन ल असाक्षर ल पढ़ाये बर प्रशिक्षित करही।
(Kawardha) जिला परियोजना अधिकारी टीआर साहू ह बताइस कि ए अभियान म ग्राम पंचायत के प्रतिनिधि, सेवानिवृत्त अधिकरी अऊ कर्मचारी, स्वसहायता समूह, मितानिन, आंगनबाड़ी कार्यकर्ता, एनएसएस, स्काउट अऊ गाइड, डाईट, नेहरू युवा केंद्र, मितानिन के सहयोग ले साक्षरता केंद्र के चयन कर ले गे हे।

हरेक 10 असाक्षर म एक स्वयंसेवी शिक्षक के चिन्हांकन करे गे हे। जेखर तरफ ले हरके असाक्षर ल 120 घंटा के अध्यापन कार्य कराये जाही।
बइठक म (Kawardha) कुशल प्रशिक्षक महेश सिंह ठाकुर, आरती ठाकुर, मंजू चन्द्राकर, रवि डोंगरे, रिसोर्स पर्सन नकुल प्रसाद पनागर डाईट, मनहरण लाल तुर्केले, तामेश्वर ठाकुर, विजय लॉझीयाना, नरेन्द्र सिंह राजपूत उपस्थित रिहिन।