Corona: कोरोना ह तोड़िस रिकॉर्ड, 24 घंटा म सामने आय हे 52 हजार ले जादा नवा मरीज

जय जोहार…. देश म कोरोना (corona) संक्रमण के मामला ह कम होय के नाम नई लेवत हे। पिछिले 24 घंटा म रिकॉर्ड 52 हजार ले जादा कोरोना के नवा मरीज के पहचान होय हे। ए दौरान 775 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मरीज मन के कुल संख्या ह 15 लाख 83 हजार 792 हो गे हे। जेमा ले एक्टिव मामला ह 5 लाख 28 हजार 242 हे।

उहचे 10 लाख 20 हजार 582 लोगन मन ह कोरोना (corona) ल मात दे दे हे, जेखर बाद ओ मन ल अलग-अलग कोविड अस्पताल ले छुट्‌टी दे दे गे हे। ए वायरस ले देश म अब तक 34968 लोगन मन के जान चले गे हे।