chhattisgarh के सब्बो पंजीयन कार्यालय ह रोज खुलही, आदेश होइस जारी

जय जोहार…. लॉकडाउन के बीच छत्तीसगढ़ (chhattisgarh) सरकार ह बड़का फइसला ले हे। सरकार ह पंजीयन कार्यालय ल आज ले खोले के आदेश जारी करे हे। अब सब्बो पंजीयन कार्यालय ह सप्ताह म सब्बो कार्य दिवस बर खुलही। अइसे म पंजीयन बर अपाइंटमेंट करे जा सकही।

एखर पहिले चार मई ले छत्तीसगढ़ (chhattisgarh) के सब्बो पंजीयन कार्यालय ल सीमित ढंग ले खोले के अनुमति दे गे रहिस। ओला बदलत हुये अब छत्तीसगढ़ (chhattisgarh) के सब्बो पंजीयन कार्यालय ल सब्बो कार्य दिवस म दस्तावेज के पंजीयन बर खोले जाही। एखर बर ई-पंजीयन साप्टवेयर म आवश्यक व्यवस्था सुनिश्चित करे के निर्देश दे गे हे।

बता देन कि कोरोना वायरस के संक्रमण के खतरे ल ध्यान म रखत हुये दस्तावेज के पंजीयन ह केवल अपाइंटमेंट के आधार म करे गे व्यवस्था ह पूर्वव्रत जारी रही।