राजधानी म थाना प्रभारी के रिश्तेदार ह मिले हे कोरोना पॉजिटिव, टीआई समेत पूरा स्टाफ ल भेजे गे हे क्वारेंटाइन म

जय जोहार…. राजधानी रायपुर ले कोरोना ले जुड़े एक बड़ा खबर आय हे। इहां थाना प्रभारी के पिता, सास अऊ ससुर ह कोरोना पाजिटिव पाय गे हे। पीड़ित मन के रिपोर्ट ह आय के बाद पूरा थाना ल सील कर दे गे हे। ऊहचे थाना के कामकाज के जिम्मा ल टिकरापारा थाना ल दे दे गे हे।
जानकारी के मुताबिक मामला ह पुरानी बस्ती थाना के हे। पुरानी बस्ती टीआई के पिता अऊ सास-ससुर ह बिहार ले कुछ दिन पहिले ही रायपुर लहुटे रहिस। जेखर बाद वे सब्बो ह घर म होम क्वारेंटाइन म रहिस। रिपोर्ट आय के बाद सब्बो ल अस्पताल म भर्ती कराय के तैयारी करे जावत हे। ए सूचना के बाद पुरानी बस्ती थाना म हड़कंप मच गे हे। पुरानी बस्ती टीआई समेत कई पुलिस कर्मी मन ल क्वारेंटाइन कर दे गे हे।