रायपुर: पाछू के 22 बछर ले अनवरत होली बुलेटिन के प्रकासन छत्तीसगढ़ के इतिहास म अद्वितीय हे. लोकमान्य सद्भावना समिति सन 1997 ले होली के अवसर म पत्रकार साथी मन ल केंद्रित कर टाइटल देय अउ राजनीतिक घटनाक्रम म कटाक्ष के विसेषता के संग नानसेंस टाइम्स के प्रकासन करच हवय. जेकर क्रेज आज घलो बने हवय.
नानसेंस टाइम्स वइसे त पूरी तरह सामूहिक प्रयास ले प्रकासित होवत आय हे, तपेश जैन, मधुसूदन शर्मा, ब्रजेश चौबे, रामअवतार तिवारी, प्रकाश शर्मा, के.के. शर्मा, राघवेन्द्र मिश्रा, विरेन्द्र शर्मा, शगुप्ता शीरीन, अजय जैन के सतत सहभागिता रहक हवय.
ये प्रयास ले हर बछर ऐतिहासिक अंक प्रकासित होवत हवय. ए बछर घलो नानसेंस टाइम्स म मीडिया, राजनीतिक, चैंबर, छॉलीवुड म केंद्रित हे। ये अंक के विमोचन सद्गुरु कबीर सत्संग भवन म आयोजित छत्तीसगढ़ी फिल्म बालीफूल- वेलकम टू बस्तर के वर्कशाप म करे गिस हे.
ये अवसर म डा. अजय सहाय, तपेश जैन, ब्रजेश चौबे, डा. पुनीत सोनकर, अजय त्रिपाठी, अजय अग्रवाल, नरेंद्र ठाकुर अंटू भइया, निशा द्धिवेदी, ममता हिरवानी, धर्मेंद्र सोनी समेत अन्य लोगन उपस्थित रहिन. ये जानकारी दिलीप नामपल्लीवार ह दीस हे.
Other Articles
