छत्तीसगढ़ बर राहत भरी खबर, कोविड वार्ड के सबो डॉक्टर अऊ नर्स सुरक्षित, एम्स के 55 स्टाफ के रिपोर्ट आइस निगेटिव
जय जोहार…. राजधानी रायपुर स्थित अखिल भारतीय आयुर्विज्ञान संस्थान (एम्स) के कोविड वार्ड के सबो डॉक्टर अऊ नर्स ह सुरक्षित हे। जांच म वार्ड के सबो 55 स्टाफ के रिपोर्ट ह निगेटिव आइस हे। बता देन कि ये डॉक्टर अऊ नर्स ह कोरोना संक्रमित नर्सिंग आफिसर के संपर्क म आय रहिस। जेखर बाद वार्ड के सबो डॉक्टर, नर्स अऊ पैरामेडिकल स्टाफ के जांच होय रहिस।
गौरतलब हे कि बीते दिन एम्स के नर्सिंग आफिसर ह कोरोना पाजिटिव पाय गे रहिस। रायपुर एम्स प्रबंधन ह एखर पुष्टि करे हे। एम्स के तरफ ले जारी करे गिस जानकारी म बताय गे हे कि ये आफिसर ह पिछले दिनों कोविड वार्ड म कार्यरत रहिस। ओला 14 अप्रैल ले क्वारेंटाइन में रखे गे रहिस।
