सरगुजा सांसद के पुत्र के खेलाफ रिपोर्ट दर्ज

अम्बिकापुर । छत्तीसगढ़ के सरगुजा लोकसभा क्षेत्र ले सांसद कमलभान सिंह के बेटा उपर मारपीट के मामला दर्ज करे गिस हे। सरगुजा के लखनपुर थाना क्षेत्र म सांसद कमलभान के बेटे देवेन्द्र प्रताप उपर एफआईआर दर्ज कराय गेहे। देवेन्द्र प्रताप उपर सरगुजा के एक के परिजन मन के संग मारपीट के आरोप लगे हे।
मिले जानकारी के मुताबिक सरगुजा के एक पत्रकार के कथित तौर म एक खबर प्रकासित कर ले नाराज सांसद पुत्र ह घटना ल अंजाम दिस हे बतात हे के घटना के वक्त पत्रकार घर म मवजूद नइ रिहिस हे। आइसे म देवेन्द्र प्रताप ह ओखर माता पिता ले ही मारपीट कर दीस।
पत्रकार अउ उंखर परिजन मन ह लखनपुर थाना म मामला के सिकायत करिन हे। घटना 25 जून के बताय जात हे। प्रारंभिक जांच के बाद पुलिस ह सांसद पुत्र उपर एफआईआर दर्ज कर लीस हे। पूछताछ के बाद मामला म कार्रवाई करे जा सकत हे।