रायपुर। नगरीय निकाय म आम निर्वाचन बर नगर निगम म महापौर अउ नगर पालिका अउ नगर पंचायत म अध्यक्ष के पद बर आरक्षण प्रक्रिया काली 7 जनवरी 2025 ले संपादित करे जाहि। नगरीय प्रशासन अउ विकास विभाग ह पहली एखर बर 27 दिसम्बर 2024 के तिथि निर्धारित करे रिहीन। अपरिहार्य कारण ले 27 दिसम्बर के होवइया आरक्षण के कार्यवाही ल स्थगित करके, एखर बर अब 7 जनवरी के तिथि निर्धारित करे गे रिहीन।
रायपुर के साइंस कॉलेज परिसर स्थित पंडित दीनदयाल उपाध्याय ऑडिटोरियम म कल 7 जनवरी के बिहनिया साढ़े दस बजे ले आरक्षण के प्रक्रिया संपादित करे जाहि। आरक्षण के कार्यवाही के अवलोकन के इच्छुक व्यक्ति निर्धारित तिथि, समय अउ स्थान म उपस्थित रह सकथे ।
बता दन कि नगरीय प्रशासन विभाग ह साल 2024-25 म प्रदेश म होवइया नगरीय निकाय के आम निर्वाचन बर छत्तीसगढ़ नगर पालिका (महापौर अउ अध्यक्ष के पद के आरक्षण) नियम 1999 के प्रावधान के अंतर्गत नगर पालिक निगम के महापौर अउ नगर पालिका परिषद् अउ नगर पंचायत के अध्यक्ष मन के पद के आरक्षण के कार्यवाही संपादित करे जात हे।
Other Articles
