राज्य म काली ले रेस्टोरेंट, शापिंग मॉल अऊ क्लब ह खुलही, आदेश होइस जारी

जय जोहार…. लॉकडाउन म एक अऊ बड़का छूट ह छत्तीसगढ़ म लोगन मन ल मिले ल जावत हे। राज्य सरकार ह अब राज्य म रेस्टोरेंट, शापिंग मॉल अऊ क्लब ल घलो खोले के अनुमति दे दे हे। एला ले के राज्य सरकार के गृह विभाग ह सब्बो सचिव, कमिश्नर, कलेक्टर मन ल पत्र घलो जारी कर दे हे।
काली ल शापिंग मॉल, रेस्टोरेंट अऊ होटल के संगेसंग क्लब घलो खुलही। ए दौरान सोशल डिस्टेंसिंग अऊ आन जरूरी शर्त के पालन करे ल जरूरी होही। ऊहचे प्रदेश म अभी घलो सिनेमा हॉल, स्वीमिंग पुल, मनोरंजन पार्क, थिएटर, बार, आडिटोरियम, असेंबली हॉल अऊ ए प्रकार के आन सब्बो स्थान ह बन्द रही।