Raipur: आरक्षक भर्ती परीक्षा के परिणाम हो गे घोसित, पढ़व पूरा खबर
जय जोहार…. (Raipur) पुलिस विभाग ह आरक्षक भर्ती परीक्षा के परिणाम घोसित कर दे हे। चयन प्रक्रिया के परिणाम ह छ्त्तीसगढ़ पुलिस के वेबसाइट https://www.cgpolice.gov.in म उपलब्ध हे। नतीजा के अनुसार छत्तीसगढ़ म पहिला बार पुलिस विभाग म तृतीय लिंग के आरक्षक के रूप म चयन होय हे।
रायपुर (Raipur) रेंज के तहत 315 पुरुष, 71 महिला अऊ 9 तृतीय लिंग के पुलिस आरक्षक के रूप म चयन होय हे। एमा 1 सहायक आरक्षक ्ऊ 27 होमगार्ड घलो सामिल हे। एखर अतिरिक्त आरक्षक ट्रेड म 46, 19 दूसर ट्रेड आरक्षक मन के सूची घलो संलग्न हे। जेमा ट्रेड आरक्षक के 19 म कुक के पद म 1 महिला के घलो चयन होय हे।
बता देन कि पुलिस बल के आरक्षक संवर्ग के रिक्त पद म भर्ती बर 29 दिसंबर 2017 के विज्ञापन जारी करे गे रिहिन। एखर बाद 28 जनवरी ले 11 फरवरी तक भर्ती प्रक्रिया के आयोजन करे गिस। (Raipur) अभ्यर्थी मन ल शारीरिक दक्षता के परीक्षण रायपुर म करे गे रिहिन। उहचे सबो संभाग मुख्यालय म घलो भर्ती परीक्षा के आयोज करे गे रिहिन। एखर नतीजा ल आज घोसित करे गे हे।
