काली जारी होही दसवीं अऊ बारहवीं के परीक्षा परिणाम

जय जोहार…. छत्तीसगढ़ माध्यमिक शिक्षा मंडल के तरफ ले दसवीं अऊ बारहवीं बोर्ड के परीक्षा परिणाम ल 23 जून के बिहनिया 11 बजे घोसित करे जाही। एखर पुष्टि ल माध्यमिक शिक्षा मंडल के सचिव वीके गोयल ह करे हे। स्कूल शिक्षा मंत्री डॉ प्रेमसाय सिंह टेकाम ह परीक्षा परिणाम ल जारी करही। माध्यमिक शिक्षा मण्डल के वेबसाइट म रिजल्ट ल आनलाइन देखे जा सकत हे।
बता देन कि एखर पहिले कोरोना संक्रमण सती दसवीं अऊ बारहवीं के बचे परीक्षा ह नई होय रिहिस। जेन विषय के पेपर होय हे। ओखर कापी के मू्ल्यांकन कार्य ह पूरा हो चुके हे। बचे हुये विषय पर आंतरिक मूल्यांकन के आधार म अंक दे के फइसला ले गे हे।