रिटायर्ड आईएफएस अफसर के कोरोना ले हो गे मौत, एम्स प्रबंधन ह करे हे मौत के पुष्टि

जय जोहार…. छत्तीसगढ़ म कोरोना ले जुड़े एक बड़का खबर आवत हे।  रिटायर्ड आईएफएस केसी यादव के कोरोना संक्रमण ले मंगलवार रात 11 बजे मौत हो गे हे। ओखर निधन के पुष्टि ल एम्स प्रबंधन ह करे हे।

जानकारी के अनुसार सोमवार के रिटायर्ड आईएफएस केसी यादव ल बैचेनी के शिकायत के बाद रायपुर एम्स म भर्ती कराय गे रिहिस। जिहां लक्षण के आधार म डॉक्टर मन ह ओखर कोरोना सैंपल ल जांच बर भेजे रिहिस, जेखर रिपोर्ट ह मंगलवार के आय रिहिस, जेन ह कोरोना पाजिटिव निकले रिहिस।

एखर बाद डॉक्टर मन ह ओखर इलाज सुरू करिन, लेकिन डायबिटीज के सेती ओखर तबीयत ह बिगड़त चले गिस अउ मंगलवार रात के मौत हो गे हे।