जस्टिस सप्रे के अध्यक्षता म छत्तीसगढ़ राज्य सड़क सुरक्षा परिदृश्य के करे गिस समीक्षा बइठका
रायपुर। सेवानिवृत्त न्यायमूर्ति अभय मनोहर सप्रे के अध्यक्षता अउ मुख्य सचिव अमिताभ जैन के उपस्थिति म न्यू सर्किट हाउस रायपुर म छत्तीसगढ़ राज्य के सड़क सुरक्षा परिदृश्य के समीक्षा बइठका करे गिस। ए बइठका म अंतर्विभागीय लीड एजेंसी के अध्यक्ष संजय शर्मा ह समग्र सड़क सुरक्षा परिदृश्य, सडक दुर्घटना के सेती, नियंत्रण के उपाय-लक्ष्य, सड़क सुरक्षा अंकेक्षण अउ प्रवर्तन, अंभियांत्रिकीय, शिक्षा, आकस्मिक उपचार आदि के भाव कार्ययोजना के संबंध म विस्तृत प्रस्तुतीकरण दिस।
अध्यक्ष सुप्रीम कोर्ट कमेटी ऑन रोड सेफ्टी सप्रे ह बइठका म ब्लैक स्पॉट्स के चिन्हाकन के बाद जल्दी ले सुधारात्मक उपाय, घायलमन के त्वरित इलाज, विद्यार्थी मन ल सड़क सुरक्षा के समुचित जानकारी अउ नियम तोड़इया मन के खिलाफ प्रभावी कार्यवाही करे के निर्देश दिन। शासकीय अधिकारी-कर्मचारी मन अउ जनसामान्य ल सुरक्षा बर वाहन चालन के दौरान सीटबेल्ट, हेलमेट के अनिवार्यता ल बढ़ावा दे बर कहिन। सप्रे ह नागरिक मन ल जागरूक करे बर जोर दिन। ओ हा कहिन कि आपातकालीन उपचार अउ ट्रामा केयर बर विशेष पहल करके सड़क दुर्घटना म मृत्युदर म कमी करे जा सकय। एखर बर अंतर्विभागीय समन्वय ले रणनीति अउ योजना बनाके बेहतर कार्य कर जा सकय।
बइठका म अपर मुख्य सचिव मनोज पिंगुआ, अतिरिक्त पुलिस महानिदेशक प्रदीप गुप्ता सहित सचिवगण एस प्रकाश, डॉ. बसव राजू, डॉ. कमलप्रीत सिंह, सिद्धार्थ कोमल परदेशी, भीम सिंह सहित आयुक्त स्वास्थ्य डॉ. प्रियंका शुक्ला, अपर परिवहन आयुक्त डी. रविशंकर, प्रमुख अभियंता लोक निर्माण विभाग के.के. पिपरे, क्षेत्रीय अधिकारी एनएचएआई एम. टी अटारे, संचालक नगरीय प्रशासन और विकास विभाग कुंदन कुमार मौजुद रिहीन।
