आबकारी विभाग के कार्य के समीक्षा बइठका, मुख्यमंत्री ह दिन अवैध मदिरा के विनिर्माण, परिवहन अउ विक्रय करइया मन उपर कड़ा कार्रवाई के निर्देश
रायपुर। मुख्यमंत्री विष्णु देव साय ह प्रदेश म अवैध मदिरा के विनिर्माण, धारण, परिवहन अउ विक्रय म प्रभावी नियंत्रण बर पुलिस विभाग के समन्वय ले कड़ा कार्यवाही करे के निर्देश आबकारी विभाग के अधिकारी मन ल दिन हे। ओहा कहिन कि राज्य के सीमावर्ती जिल म स्थापित आबकारी चेक पोस्ट ल क्रियाशील रखव। राज्य म स्थित आसवनिय, बॉटलिंग इकाई, होटल, बार, क्लब के नियमित सघन जांच सुनिश्चित करे जाहि। मुख्यमंत्री साय ह आज मंत्रालय महानदी भवन म आबकारी विभाग के कार्य के समीक्षा बइठका के दौरान ये निर्देश दिन।
मुख्यमंत्री साय ह कहिन कि राज्य म देशी मदिरा के नवीन बॉटलिंग इकाई बर प्राप्त आवेदन म नियमानुसार त्वरित कार्यवाही करे जाए अउ छत्तीसगढ़ के बाहिर निर्मित मदिरा के विनिर्माण इकाई ल छत्तीसगढ़ म खुद के विनिर्माण संयंत्र लगाए जाए बर प्रोत्साहित करे जाहि। एखर बर ओमन ल कार्य अनुकूल वातावरण उपलब्ध कराए जावय, जेखर ले स्थानीय लोगन ल रोजगार मिल सकय। मुख्यमंत्री ह आबकारी विभाग के रिक्त पद म भर्ती के कार्यवाही घलो शीघ्र करे के निर्देश दिन।
ओमन ह महुआ संग्राहक वनवासी मन ल आय के बेहतर साधन उपलब्ध हो सकय, ए उद्देश्य ले अन्य राज्य मन म प्रचलित महुआ नीति के अध्ययन करे के निर्देश दिस। विभाग के मदिरा दुकान म कार्यरत कार्मिक मन के उपस्थिति के संबंध म लागू आधार सक्षम बायोमेट्रिक उपस्थिति प्रणाली (AEBAS) ल मुख्यमंत्री ह सराहिस। अइसने ही देशी-विदेशी मदिरा के उपभोक्ता मन ल उखर पसंद अनुरूप मदिरा उपलब्धता के जानकारी प्राप्त करे बर शुरु करे गे, ‘मनपसंद ऐप’ म उपयोगकर्ता के डाटा के गोपनीयता बनाए रखे बर अउ ऐप म प्राप्त सुझाव अउ शिकायत म त्वरित कार्यवाही के निर्देश बइठका म दे गिस। मदिरा दुकान म आवश्यक साफ-सफाई रखे के, मदिरा के ब्राण्ड-लेबल के समुचित प्रदर्शन करे जाए के अउ निर्धारित पंजी के अद्यतन संधारण सुनिश्चित करे जाए के निर्देश घलो बइठका म दे गिस।
बइठका म मुख्य सचिव अमिताभ जैन, मुख्यमंत्री के प्रमुख सचिव सुबोध कुमार सिंह, मुख्यमंत्री के सचिव मुकेश कुमार बसंल, राहुल भगत, पी. दयानंद अउ बसवराजू एस., सचिव सह आयुक्त आबकारी सुश्री आर. संगीता, छत्तीसगढ़ स्टेट बेवरेजेस कार्पारेशन अउ छत्तीसगढ़ स्टेट मार्केटिंग कार्पारेशन लिमिटेड के प्रबंध संचालक श्याम लाल धावड़े, विशेष सचिव (आबकारी) देवेन्द्र सिंह भारद्वाज अउ अन्य वरिष्ठ अधिकारी मन उपस्थित रिहीन।
