मध्यप्रदेश उपचुनाव ल ले के कांग्रेस म समीक्षा के दौर ह होइस सुरू, ओबीसी अध्यक्ष ह बइठक कर बनावत हे रणनीति

जय जोहार…. मध्यप्रदेश म 22 विधानसभा सीट म होवइया उपचुनाव बर कांग्रेस म तैयारी ह जोर पकड़ ले हे। अखिल भारतीय अन्य पिछड़ा वर्ग विभाग के राष्ट्रीय अध्यक्ष ताम्रध्वज साहू ह पदाधिकारी मन के संग सरलघा बइठक ले के स्थिति के समीक्षा करत हे।

अखिल भारतीय अन्य पिछड़ा वर्ग विभाग के राष्ट्रीय अध्यक्ष ताम्रध्वज साहू ह उपचुनाव के मद्देनजर विभाग के प्रदेश अध्यक्ष के संगेसंग सब्बो जिला अध्यक्ष मन ले वीडियो कांफ्रेंसिंग ले चर्चा करिन। वो हा बइठक म उपचुनाव म विभाग के पदाधिकारी अऊ कार्यकर्ता मन के सक्रिय भूमिका ल निभाय के संगेसंग कांग्रेस के प्रत्याशी ल जिताय म अपन शत-प्रतिशत योगदान बर निर्देशित करिन। एखर आलावा बइठक म चुनाव के दौरान रणनीति बना के प्रत्याशी मन के पक्ष म प्रचार करने अऊ ओबीसी विभाग के ए दौरान रणनीति म घलो चर्चा करे गिस।