विकास म बाधा बनिस फेर लाल आतंक ह, सड़क निरमान म लगे वाहन म लगईस आगी

सुकमा। सुकमा म सड़क बनाए के काम म लगे एक वाहन अउ एक मशीन ल नक्सली मन ह आगी लगा दिस। एर्राबोर थाना इलाका के लेंडरा के नजदीक ये वाहन ह पीएमजीएसवाई के रोड बनाए म लगे रिहिस। बता देन कि नक्सली मन ह जेन वाहन ल अपन निशाना बनइस, उहां बिना सुरक्षा के निरमान काम चलत रिहिस। ये घटना ले पहिली पुलिस ह वो इलाका म बिना सुरक्षा के निरमान काम नई करे के हिदायत दे रहिस। वाहन म आगी लगाए के घटना के पुष्टि एसपी शलभ सिन्हा ह करे हे।