चार हथियारबंद नकाबपोश मन करिस एटीएम मशीन ल लूटे के प्रयास, एक गिरफ्तार

बिलासपुर। रतनपुर म बीते रात चार हथियारबंद नकाबपोश ह एटीएम मशीन ल लूटे के प्रयास करत रिहिस, इही दउरान पुलिस ह आगे त उंखर ऊपर मिर्ची पावडर ल डाल के भाग गे। तभो ले पुलिस ह एक झन आरोपी ल गिरफ्तार करिस हे, जेखर ले पूछताछ चलत हे। उंहे पुलिस ह आला अधिकारी के मार्गदर्शन म नाकाबंदी कर फरार आरोपी मन के तलाश म जुट गिन हे।

अईसे जानकारी मिले हवय कि रतनपुर के मेनरोड म स्टेट बैंक के एटीएम म बीती रात चार हथियारबंद नकाबपोश मन एमटीएम मशीन ल लूटे बर तोड़फोड़ करत रिहिस। तोड़फोड़ के आवाज ल सुन के आसपास के जागरूक लोगन ह पुलिस ल सूचना दिस हे। जईसे ही पुलिस ह मौका म पहुंचते त नकाबपोश मन आरक्षक नीलकमल ठाकुर के आंखी म मिर्ची पावडर ल डाल गे भागत रिहिस, इही दउरान एक आरोपी पकड़ा गे। पुलिस ह बताईन कि पकड़े गे आरोपी शिव पिता नारायण सिंह शमसाबाद उत्तरप्रदेश के रहवईया हरे। वो ह 2 साल से रतनपुर म शादी करके रहत रहीस।