गुजरात अऊ छत्तीसगढ़ के मिले जुले कहानी हे रोमियो राजा के, शूटिंग के एक शेड्यूल खत्म होगे

जय जोहार रायपुर … आराध्य फिल्म्स रायपुर द्वारा एक अलग विषय ल लेके फिलिम निर्माण करे जात हे जेमा मुख्य भूमिका म अभिनेता देवेन्द्र जांगडे अऊ अभिनेत्री प्रियंका परमार हे, फिलिम के शूटिंग सरलगहा चालत रिहिस जेन ह अभी ख़त्म होगे हे, दूसर शेड्यूल म गाना अऊ एक्शन फ़िल्माय जाही, एखर शूटिंग रायपुर अऊ ओखर आसपास करे गे हे बाकी सीन गुजरात म शूट होही.

बता दन कि रोमियो राजा के कहानी अइसे लोगन के हे जेन मन कमाय खाय बर गुजरात गे रहिथे, फिल्म के निर्देशक देवेन्द्र जांगडे हरे जेला निर्देशन म सहयोग करीन हे सलीम अंसारी अऊ दीपक ह, यूनिट म प्रोडक्शन सम्भालिस हे सूरज अऊ रिंकू साहू ह, अभिनेता देवेन्द्र जांगडे के अभी जोहार छत्तीसगढ़ आने वाला हे,