chhattisgarh : कुदरगढ़ म शीघ्र बनही रोप-वे : भूपेश बघेल
जय जोहार। (chhattisgarh) मुख्यमंत्री भूपेश बघेल ह कुदरगढ़ म ’भेंट-मुलाकात’ अभियान के तहत ग्रामीण मन ले सीधा चर्चा के दउरान क्षेत्र म विकास काम अउ जन सुविधा ले जुड़े कई ठीन महत्वपूर्ण घोसना करीन। मुख्यमंत्री श्री बघेल ह किहीन कि कुदरगढ़ म माँ बागेश्वरी देवी के दर्शन बर अवइया श्रद्धालु मन के सुविधा बर शीघ्र रोप वे के निर्माण करे जाही । ये काम बजट म सामिल है। जल्दीच एखर बर टेण्डर होही ।
(chhattisgarh) मुख्यमंत्री ह कुदरगढ़ म विश्राम गृह निर्माण, उप स्वास्थ्य केन्द्र के स्थापना, पुलिस चौकी के भवन निर्माण, रक्सगंडा ल पर्यटन केन्द्र के रूप म विकसित करे , बिहारपुर मार्ग के चौड़ीकरण, रगदा (कुसमुसी) गोबरी नाला म पुल निर्माण, ओडगी-बिहारपुर मार्ग के घटिया निर्माण के जांच कराके जून तक सड़क के निर्माण ल पूरा कराय अउ शिवनंदनपुर (विश्रामपुर) म आईटीआई के मंजूरी के घोसना करीन। ए अवसर म नगरीय प्रसासन अउ विकास मंत्री डॉ.शिवकुमार डहरिया, संसदीय सचिव पारसनाथ राजवाड़े अउ अपर मुख्य सचिव सुब्रत साहू घलो उपस्थित रिहीन।
मुख्यमंत्री श्री बघेल ह भेंट-मुलाकात अभियान के चौथइया दिन आज भटगांव विधानसभा क्षेत्र के जिला सूरजपुर स्थित ओडगी विकासखण्ड के ग्राम कुदरगढ़ पहुंचे रिहीन । सीएम ह कुदरगढ़ के पहाड़ी के मध्य महुआ पेड़ के नीचे आमजन के समस्या ले रूबरू होइन । (chhattisgarh) वो हा किहीन कि राजीव गांधी किसान न्याय योजना के अंतर्गत किसान मन ल अगला किस्त के भुगतान पूर्व प्रधानमंत्री स्वर्गीय राजीव गांधी के पुण्यतिथि म 21 मई के करे जाही ।
