देखव विडियो: देश के पहिली बिहाव जेमा किसान के लईका हेलीकॉप्टर ले लाही अपन दुल्हनिया

नवनीत शुक्ला

मुंगेली. अपन दादा के सपना ल साकार करे बर एक पोता ह हेलीकॉप्टर ले अपन दुल्हनिया ल जाए बर जात हे। न कोनों नेता, न उद्योगपति अऊ नोहे कोनों व्यापारी बल्कि ऐ हरे किसान के लाईका जेन ह हेलीकाप्टर ले बारात जाही। छत्तीसगढ़ नहीं बल्कि जम्मो देश के इतिहास के ए पहली शाही बिहाव हे जेन में किसान के लईका ह अपन दुल्हनिया ल लाए बर हेलीकॉप्टर ले जाही।

मुंगेली शहर ले 7 किमी दूर गांव घोरपुरा के बैस परिवार म बिहाव के तियारी जोरशोर ले चलत हे। कोनों अईसने वईसने बिहाव नोहे काबर कि एखर चर्चा जम्मो इलाका म बगर गे हे। एखर वजह हे एक किसान के परिवार के घर पईदा होवईया अंकुश सिंह पिता महेंद्र प्रताप सिंह ह अपन दादा धर्मराज सिंह के सपना ल साकार करे बर हेलीकॉप्टर किराया म लेके बाराज जावत हे।

अंकुश ह बताईन कि दादा धर्मराज सिंह के पिता भोपसिंह क्षेत्र म बहुत सम्मानित व्यक्ति अऊ जमींदार रिहिन। ओखर बिहाव तय होए के पहिली दादा ह अपन मन के बात ल किहिन कि ओ ह दूसर मन ले हटके अपन पोता के बिहाव करना चाहत हे। अऊ बारात हेलिकॉप्टर ले जाना चाहथे। इही इच्छा के मान रखे बर 22 जनवरी के बिहाव तय होए के बाद हैदराबाद के डक्कन कंपनी ले बात करे गिस। एखरे संगे संग मुंगेली अऊ शहडोल प्रशासन ले हेलीकॉप्टर उड़ाए अऊ लैंड करे के परमिशन ले गिस।

बता देन कि 22 जनवरी के दिन मुंगेली के घोरपुरा गांव ले बैस परिवार के बारात हेलीकॉप्टर ले शहडोल जाही। अऊ 23 जनवरी के दिन आदर्शिता ले अंकुश के बिहाव होगी। बिहाव के बाद अंकुश अपन दुल्हनिया ल हेलीकॉप्टर ले अपन गांव लाही।

देखव विडियो…….