आरपीएफ के महिला टीआई ह पति ल मारिस गोली, पति सीरियस

रायपुर. भाटापारा आरपीएफ पोस्टे के इंस्पेक्टर सुनीता मिंज ह अपन ही पति
ल सर्विस रिवालवर ले गोली मार दीस. जानकारी के मुताबिक 4-5 राउंड करेगे
फायरिंग म दू गोली श्रीमती मिंज के पति दीपक श्रीवास्तव के कमर के निचला
हिस्सा म लगिस, ज्र बाद उमन ल अंबेडकर अस्पताल म भर्ती कराय गेहे.

आरपीएफ सूत्र मन के मुताबिक अपन पति ल गोली मारे के बाद श्रीमती मिंज ह
आत्महत्या के कोशिश करिस. लेकिन ओला बचा लेय गिस. सुनीता मिंज वर्तमान म
भाटापारा आरपीएफ इंस्पेक्टर हे अउ लगभग 1बछर पहिली ही वो ह रायपुर आरपीएफ
पोस्ट ले सब इंस्पेक्टर ले प्रमोट हो के इंस्पेक्टर बनिस.उहें 2-3 बछर
पहिली ही उमन दीपक श्रीवास्तव ले प्रेम विवाह करिस हे. गोली मारे के वजह
अवैध संबंध बताए जात हे, ये घटना रविवार देर रात के बताए जात हे. जेखर
बाद रायपुर रेल मंडल के कमांडेंट समेत अन्य अधिकारी भाटापारा पहुंचिन अउ
सुनीता मिंज के खेलाफ कानूनी कार्रवाई करत हवय.