Raipur : दू ठीन सिंचाई योजना बर मिले हे 11.81 करोड़ रुपिया के स्वीकृति

जय जोहार। (Raipur) छत्तीसगढ़ सासन ह प्रदेस के दू ठीन सिंचाई परियोजना के काम ल कराय बर 11 करोड़ 81 लाख 76 हजार रुपिया स्वीकृत करे हे । ए योजना के पूरा होय ले 2262 हेक्टेयर क्षेत्र म सिंचाई सुविधा मिल सकही । जांजगीर-चांपा जिला के सोननदी म अमरूवा एनीकट/काजवे के निर्माण काम बर 7 करोड़ 23 लाख 56 हजार रुपिया स्वीकृत करे गेहे । ए योजना के पूरा होय ले 205 हेक्टेयर क्षेत्र म सिंचाई सुविधा मिल सकही।

जांजगीर-चांपा जिला के हसदेव बांगो परियोजना के अंतर्गत सोठी वितरक नहर के आर.डी. 1100 मी.से. 1400 मी. के मध्य सुरक्षावाल के निर्माण काम, लाईनिंग मरम्मत काम अउ अफरीद वितरक नहर म लाईनिंग मरम्मत काम बर 4 करोड़ 58 लाख 20 हजार रुपिया स्वीकृत करे गेहे । ए योजना के पूरा होय ले कुल 2057 हेक्टेयर क्षेत्र म सिंचाई सुविधा मिल सकही।