Raipur District के सिंचाई परियोजना बर होय हे 12 करोड़ रुपिया के स्वीकृति, तीन सौ हेक्टेयर क्षेत्र म मिलही सिंचाई के सुविधा
जय जोहार…. छत्तीसगढ़ सासन ह रायपुर जिला (Raipur District) म कई ठीन सिंचाई परियोजना के निर्माण अउ सुधार काम बर 12 करोड़ 15 लाख 54 हजार रुपिया के प्रसासकीय स्वीकृति ल प्रदान करे हे । ए योजना के पूरा होय ले तीन सौ पन्द्रह हेक्टेयर क्षेत्र में सिंचाई के सुविधा मिल सकही ।
रायपुर जिला (Raipur District) के विकासखण्ड-आरंग के सिवनी टार बांध जीर्णोद्धार अउ नहर लाईनिंग काम बर एक करोड़ 46 लाख 22 हजार रुपिया के प्रसासकीय स्वीकृति ल प्रदान करे गेहे । ए योजना के पूरा होय ले 210 हेक्टेयर क्षेत्र म सिंचाई के सुविधा मिल सकही। विकासखण्ड-आरंग पलौद स्टापडेम शीर्ष अउ नहर काम बर एक करोड़ 32 लाख 44 हजार रुपिया के प्रसासकीय स्वीकृति ल प्रदान करे गेहे । ए योजना के पूरा होय ले 80 हेक्टेयर क्षेत्र म सिंचाई के सुविधा मिल सकही।
विकासखण्ड-धरसींवा के महानदी परियोजना अंतर्गत मांढ़र शाखा नहर के वितरक शाखा नहर तक दांये अउ बांये बैंक म कांक्रीट रोड के निर्माण काम बर दो करोड़ 65 लाख 25 हजार रुपिया के प्रसासकीय स्वीकृति ल प्रदान करे गेहे। विकासखण्ड-अभनपुर के महानदी में टीला एनीकट के परिक्षेत्र ल विकसित करे अउ अपस्ट्रीम/डाउनस्ट्रीम म बैंक प्रोटेक्शन अउ दूसर काम बर दो करोड़ 99 लाख 63 हजार रुपिया के प्रसासकीय स्वीकृति ल प्रदान करे गेहे।
विकासखण्ड-धरसींवा के दतरेंगा स्टापडेम बर मुख्य सड़क ले पहुंच मार्ग काम बर 76 लाख 72 हजार रुपिया के प्रसासकीय स्वीकृति ल प्रदान करे गेहे। (Raipur District) विकासखण्ड-धरसींवा के कोल्हान नाला म जरौदा स्टापडेम निर्माण काम बर दो करोड़ 95 लाख 28 हजार रुपिया के प्रसासकीय स्वीकृति ल प्रदान करे गेहे। ए योजना के पूरा होय ले 25 हेक्टेयर क्षेत्र म सिंचाई के सुविधा मिल सकही ।
