Kanker District के सिंचाई परियोजना बर मिले हे 15 करोड़ रूपया के स्वीकृति, तीन हजार तीन सौ हेक्टेयर ले जादा क्षेत्र म मिलही सिंचाई के सुविधा

जय जोहार। छत्तीसगढ़ सासन ह कांकेर जिला (Kanker District) म कई ठीन सिंचाई परियोजना के निर्माण अउ सुधार काम बर 15 करोड़ 32 लाख 48 हजार रुपिया के प्रसासकीय स्वीकृति ल प्रदान करे हे। ए योजना के पूरा होय ले तीन हजार तीन सौ अंठावन हेक्टेयर क्षेत्र म सिंचाई के सुविधा मिल सकही ।

कांकेर जिला (Kanker District) के विकासखण्ड-भानुप्रतापपुर के बैजनपुरी जलाशय के जीर्णोद्धार अउ नहर लाईनिंग काम बर एक करोड़ 84 लाख 91 हजार रुपिया के प्रसासकीय स्वीकृति प्रदान करे गेहे । ए योजना के पूरा होय ले 48 हेक्टेयर क्षेत्र म सिंचाई के सुविधा मिल सकही। विकासखण्ड-भानुप्रतापपुर के आसुलखार जलाशय के जीर्णोद्धार अउ नहर लाईनिंग काम बर दो करोड़ 98 लाख 19 हजार रुपिया के प्रसासकीय स्वीकृति ल प्रदान करे हे। ए योजना के पूरा होय ले 192 हेक्टेयर क्षेत्र म सिंचाई के सुविधा मिल सकही।

विकासखण्ड-नरहरपुर के दुधावा सरोना नहर के अंजनी वितरक नहर के जीर्णोद्धार अउ लाईनिंग काम बर दो करोड़ 95 लाख 73 हजार रुपिया के प्रसासकीय स्वीकृति प्रदान करे गेहे । ए योजना के पूरा होय ले 1395 हेक्टेयर क्षेत्र म सिंचाई के सुविधा मिल सकही । (Kanker District) विकासखण्ड-कोयलीबोड़ा के लघु जलाशय पी.व्ही. 92 के नहर के जीर्णोद्धार नहर लाईनिंग काम बर दो करोड़ 83 लाख 49 हजार रुपिया के प्रसासकीय स्वीकृति ल प्रदान करे हे। ए योजना के पूरा होय ले 198 हेक्टेयर क्षेत्र म सिंचाई के सुविधा मिल सकही।

विकासखण्ड-नरहरपुर के अंजनी वितरक नहर के जीर्णोद्धार अउ लाईनिंग काम बर दो करोड़ 92 लाख 16 हजार रुपिया के प्रसासकीय स्वीकृति ल प्रदान करे हे। योजना ले 1395 हेक्टेयर क्षेत्र म सिंचाई के सुविधा मिल सकही। विकासखण्ड-अंतागढ़ के बुलावण्ड तालाब नहर लाईनिंग अउ जीर्णोद्धार काम बर एक करोड़ 78 लाख 45 हजार रुपिया के प्रसासकीय स्वीकृति ल प्रदान करे हे। ए योजना के पूरा होय ले 130 हेक्टेयर क्षेत्र म सिंचाई के सुविधा मिल सकही।