जय जोहार। छत्तीसगढ़ (chhattisgarh) सासन ह प्रदेस के चार ठीन सिंचाई परियोजना के काम ल कराय बर 16 करोड़ 52 लाख 43 हजार रुपिया स्वीकृत करे हे । ए योजना के पूरा होय ले 1140 हेक्टेयर क्षेत्र म सिंचाई सुविधा मिल सकही।
धमतरी जिला के विकासखण्ड-धमतरी के महानदी प्रदायक नहर प्रणाली के सबो शाखा नहर अउ डायरेक्ट आऊटलेट (डी.ओ.) के शीर्ष द्वार के पुनर्निमाण काम अउ अंतिम छोर टेल म स्थित फाल के जीर्णोद्धार काम बर 7 करोड़ 41 लाख 95 हजार रुपिया स्वीकृत करे गेहे । ए योजना के पूरा होय ले 1140 हेक्टेयर क्षेत्र म सिंचाई सुविधा मिल सकही । विकासखण्ड-नगरी के मुरूमसिल्ली बांध के नीचे पहुंच मार्ग, स्ट्रक्चर्स के निर्माण काम बर 2 करोड़ 23 लाख 08 हजार रुपिया स्वीकृत करे गेहे ।
विकासखण्ड-नगरी के मुरूमसिल्ली बांध के एफ.आर.एल. सर्वे काम अउ बाउण्ड्री पत्थर लगाय के काम अउ प्रथम फाल के फ्लोर क्षेत्र के सुदृढ़ीकरण काम अउ दांये साईड गार्डन विकसित करे के काम बर 3 करोड़ 79 लाख 80 हजार रुपिया स्वीकृत करे गेहे । विकासखण्ड-कुरूद के भाठागांव सिंचाई कालोनी के आवासीय, गैर आवासीय भवनों के जीर्णोद्धार अउ बाउण्ड्रीवाल के निर्माण काम बर 2 करोड़ 99 लाख 68 हजार रुपिया स्वीकृत करे गेहे ।
