chhattisgarh : आठ ठीन सिंचाई योजना बर मिले हे 18.49 करोड़ रुपिया के स्वीकृति
जय जोहार। छत्तीसगढ़ (chhattisgarh) सासन ह प्रदेस के आठ ठीन सिंचाई परियोजना के काम ल कराय बर 18 करोड़ 49 लाख 57 हजार रुपिया स्वीकृत करे हे । ए योजना के पूरा होय ले 847 हेक्टेयर क्षेत्र म सिंचाई सुविधा मिल सकही । कोरबा जिला के विकासखण्ड-पाली के झांझ एनीकट काम बर 3 करोड़ 16 लाख 40 हजार रुपिया स्वीकृत करे गेहे ।
विकासखण्ड-पाली के सिरली एनीकट काम बर 02 करोड़ 63 लाख 25 हजार रुपिया स्वीकृत करे गेहे । ए योजना के पूरा होय ले 105 हेक्टेयर क्षेत्र म सिंचाई सुविधा मिल सकही । विकासखण्ड- पाली के सैली जलासय के मुख्य नहर के पक्का संरचना के जीर्णोद्धार काम बर 1 करोड़ 81 लाख 61 हजार रुपिया स्वीकृत करे गेहे ।
विकासखण्ड-कटघोरा के झोंकानाला जलाष्य के स्लूस जीर्णोद्धार काम बर 62 लाख 03 हजार रुपिया स्वीकृत करे गेहे । ए योजना के पूरा होय ले 182 हेक्टयर क्षेत्र म सिंचाई सुविधा मिल सकही । कोरबा जिला के मिनीमाता बांगो परियोजना के बांगो बांध के अपस्ट्रीम में कांक्रीट काम बर 03 करोड़ 50 लाख 58 हजार रुपिया स्वीकृत करे गेहे । कोरबा जिला के हसदेव बांगो परियोजना के हसदेव बैराज गेट दर्री के सबो गेट स्टाप लाग अउ संबंधित रेग्यूलेटर गेट अउ ओखर हॉइस्टीग एरेंजमेंट के मरम्मत अउ पेटिंग काम बर 03 करोड़ 07 लाख 20 हजार रुपिया स्वीकृत करे गेहे ।
कोरबा जिला के मिनीमाता बांगो परियोजना के बांगो बांध के निरीक्षण गैलरी म स्थापित 3 नग पेन स्टॉक फिलिंग वॉल्ब के रिपेरिंग/बदले के काम अउ बटर फ्लाई वॉल लगाय काम बर 01 करोड़ 32 लाख 43 हजार रुपिया स्वीकृत करे गेहे । विकासखण्ड-कोरबा के हसदेव बांयी तट नहर के आर.डी. क्रास रेग्यूलेटर म गेट फिटिंग अउ लगाय काम बर 02 करोड़ 36 लाख 07 हजार रुपिया स्वीकृत करे गेहे ।
