chhattisgarh के 9 ठन सिंचाई योजना बर 21.95 करोड़ रुपिया स्वीकृत

जय जोहार । छत्तीसगढ़ (chhattisgarh) सासन ह प्रदेस के 9 ठन सिंचाई परियोजना के काम ल कराए बर 21 करोड़ 95 लाख 86 हजार रुपिया स्वीकृत करे हे । ए सिंचाई योजना के पूरा होए ले 1356 हेक्टेयर क्षेत्र म सिंचाई सुविधा क्षेत्रीय किसान ल मिल सकही।

स्वीकृत सिंचाई योजना म कोरिया जिला के विकासखण्ड-मनेन्द्रगढ़ के शंकरगढ़ डायवर्सन योजना के मुख्य नहर म पत्थर के खुदाई अउ सी.सी. चैनल निर्माण काम बर 2 करोड़ 99 लाख 73 हजार रुपिया के प्रसासकीय स्वीकृति प्रदान करे गेहे । विकासखण्ड-मनेन्द्रगढ़ के बिहिनाला व्यपवर्तन योजना म शीर्ष अउ नहर म सुधार काम बर 1 करोड़ 63 लाख 98 हजार रुपिया के प्रसासकीय स्वीकृति प्रदान करे गेहे ।

विकासखण्ड-बैकुंठपुर के हथवर जलाशय योजना के मुख्य नहर अउ माईनर नहर म मरम्मत अउ सी.सी. चैनल निर्माण काम बर 2 करोड़ 17 लाख 73 हजार रुपिया के प्रसासकीय स्वीकृति प्रदान करे गेहे। विकासखण्ड-बैकुंठपुर के सारा जलासय योजना के मुख्य नहर अउ माईनर नहर म मरम्मत अउ सी.सी. चैनल निर्माण काम बर 2 करोड़ 99 लाख 9 हजार रुपिया के प्रसासकीय स्वीकृति प्रदान करे गेहे। सूरजपुर जिला के विकासखण्ड-सूरजपुर के अंतर्गत ग्राम-जूर म गोबरी नदी के बायें तट म तटबंध काम बर 2 करोड़ 93 लाख 43 हजार रुपिया के प्रसासकीय स्वीकृति प्रदान करे गेहे।

विकासखण्ड-भैयाथान के डुमरिया जलासय के जीर्णोद्धार काम बर 1 करोड़ 2 लाख 40 हजार रुपिया के प्रसासकीय स्वीकृति प्रदान करे गेहे। बलरामपुर-रामानुजगंज जिला के विकासखण्ड-शंकरगढ़ के चन्द्रनगर जलाशय योजना के एक्वाडक्ट अउ वेस्ट वियर निर्माण काम बर 2 करोड़ 95 लाख 55 हजार रुपिया के प्रसासकीय स्वीकृति प्रदान करे गेहे।

विकासखण्ड-बलरामपुर के सिंचाई कॉलोनी बलरामपुर म स्थित पुराना सुधार काम अउ नवा भवन के निर्माण काम बर 2 करोड़़ 97 लाख 10 हजार रुपिया के प्रसासकीय स्वीकृति प्रदान करे गेहे। जशपुर जिला के विकासखण्ड कुनकुरी के खिजूरबहार स्टापडेम योजना के काम बर 2 करोड़ 26 लाख 85 हजार रुपिया के प्रसासकीय स्वीकृति प्रदान करे गेहे।