जय जोहार । छत्तीसगढ़ (chhattisgarh ) सासन ह प्रदेस के 10 ठन सिंचाई परियोजना बर 22 करोड 82 लाख 74 हजार रुपिया स्वीकृत करे हे। ए सिंचाई योजना के पूरा होए ले 7864 हेक्टेयर क्षेत्र म सिंचाई सुविधा क्षेत्रीय किसान ल मिल सकही।
स्वीकृत सिंचाई योजना म जांजगीर-चांपा जिला के हसदेव बांगो परियोजना के परसाडीह वितरक नहर के अंतर्गत मुक्ता उप वितरक नहर, सेन्दरी उपवितरक नहर अउ आमगांव माईनर के अंतर्गत आमगांव सब माईनर 1 के क्षतिग्रस्त सी.सी. लाईनिंग के पुनर्निर्माण काम नहर पार सुदृढ़ीकरण पक्की संरचना के निर्माण काम अउ कोलाबा लगाए के काम बर दो करोड़ 98 लाख 98 हजार रुपिया के प्रसासकीय स्वीकृति प्रदान करे गेहे।
जांजगीर-चांपा जिला के हसदेव बांगो परियोजना के अंतर्गत बोकरामुण्डा, बोकरेल अउ परसदा वितरक नहर के सी.डी. एवं वी.आर.बी. के मरम्मत काम बर एक करोड़ 84 लाख 20 हजार रुपिया के प्रसासकीय स्वीकृति प्रदान करे गेहे। हसदेव बांगो परियोजना के बरदुली वितरक नहर के अंतर्गत भनेतरा माईनर अउ बरेकेल माईनर के नहर के क्षतिग्रस्त सी.सी. लाईनिंग के पुनः निर्माण, कोलाबा फिक्सिंग अउ बैंक सुदृढ़ीकरण अउ सर्विस रोड जीर्णोद्धार काम बर दो करोड़ 96 लाख 23 हजार रुपिया के प्रसासकीय स्वीकृति प्रदान करे गेहे।
हसदेव बांगो परियोजना अंतर्गत कोरबा जिला के फरसवानी उपशाखा नहर के अंतर्गत सुखरीकला माइनर, सोनियापाठ, सारागांव माइनर 1 के लाईनिंग अउ स्ट्रक्चर्स, रिमॉडलिंग काम बर दो करोड़ 97 लाख 20 हजार रुपिया के प्रसासकीय स्वीकृति प्रदान करे गेहे। ए योजना के पूरा होए ले 2767 हेक्टेयर क्षेत्र म सिंचाई सुविधा मिल सकही। हसदेव बांगो परियोजना के अंतर्गत फरसवानी उपशाखा नहर के पचोरी, परसापाली, टेल माईनर की सी.सी. लाईनिंग अउ स्ट्रक्चर्स के मरम्मत काम बर दो करोड़ 97 लाख 44 हजार रुपिया के प्रसासकीय स्वीकृति प्रदान करे गेहे।
हसदेव बांगो परियोजना के अंतर्गत कलमी ले भढ़ोरा नहर निर्माण काम बर एक करोड़ 47 लाख 92 हजार रुपिया के प्रसासकीय स्वीकृति प्रदान करे गेहे। ए योजना के पूरा होए ले 185 हेक्टेयर क्षेत्र म सिंचाई सुविधा मिल सकही । विकासखण्ड-डभरा के अंतर्गत कोतरी नाला म प्रस्तावित जवाली छुईया स्टापडेम निर्माण काम बर दो करोड़ 90 लाख 66 हजार रुपिया के प्रसासकीय स्वीकृति प्रदान करे गेहे।
विकासखण्ड-अकलतरा के अंतर्गत कर्रानाला म अमेरी स्टापडेम निर्माण काम बर दो करोड़ 28 लाख 60 हजार रुपिया के प्रसासकीय स्वीकृति प्रदान करे गेहे। ए योजना के पूरा होए ले 75 हेक्टेयर क्षेत्र म सिंचाई सुविधा मिल सकही । विकासखण्ड-अकलतरा के अंतर्गत कर्रानाला म अकलतरी स्टापडेम निर्माण काम बर दो करोड़ 41 लाख 51 हजार रुपिया के प्रसासकीय स्वीकृति प्रदान करे गेहे।
